Hamari Kahani
प्रकृति और संस्कृति को समर्पित — Prakriti aur Sanskriti ko Samarpit
Sidhi Marwadi Jodhpur (Rajasthan) ke gaon ki apni unit se Kachchi Ghani tel, patthar par pise masale, Rajasthani achar aur dhoop-sukhi desert vegetables banati hai — chhote batch me, waise hi jaise Marwar ke gharon me banta aaya hai. Founder Kaushalya Choudhary MasterChef India S8 finalist hain, aur unit me NaariGram ke naam se gaon ki 35+ mahilayein kaam karti hain.
Sidhi Marwadi shuru kaise hui?
Shuruat ek rasoi se hui. Kaushalya Choudhary ne pehla Rajasthani-bhasha cooking YouTube channel banaya — aaj 17 lakh+ log unki recipes dekhte hain — aur MasterChef India Season 8 me Rajasthan se akeli finalist bani. Lakhon logon ne ek hi baat poochhi: "Aapke jaise asli masale aur tel kahan milenge?" Bazaar ka jawab adhoora tha, isliye humne apna jawab banaya: gaon me apni unit, apne kolhu, apni patthar ki chakki — aur naam rakha Sidhi Marwadi, matlab seedha Marwar se.
Hum kya banate hain?
- Kachchi Ghani tel — sarson, mungfali, til aur peeli sarson; kolhu par dheemi, thandi pisai. Poora process yahan.
- Stone-ground masale — haldi, lal mirch, dhaniya; patthar ki chakki par 40°C se kam taapmaan par pise, taaki khushboo bani rahe.
- Rajasthani dry vegetables — ker, sangri, kachri, panchkuta; dhoop me sukhaye hue, Thar ki parampara.
- Achar — ker, keri, nimbu, haldi; ghar ki vidhi, chhote batch.
Sab kuch ek hi jagah — Sab Products dekhein.
Hamare values kya hain?
- Asli tareeka, koi shortcut nahi — kolhu aur chakki dheeme hain, isliye batch chhote hain. Hum speed ke liye tareeka nahi badalte.
- Saaf-saaf baat — har pack par batch number aur best-before; jo cheez hum nahi karte (jaise solvent extraction — uski licence hamare paas hai hi nahi), woh saaf likh dete hain.
- Gaon ke haath, gaon ka rozgaar — production unit gaon me hai aur wahan NaariGram ki 35+ mahilayein kaam karti hain.
NaariGram kya hai?
NaariGram hamari unit ki woh pehchan hai jo humein sabse pyaari hai — gaon ki 35+ mahilayein, jinke haath ka hunar har pack me hai. Safai, chhantai, pisai se lekar packing tak — yeh unka kaam hai aur unka rozgaar bhi. NaariGram ki poori kahani padhein.
Aap tak kaise pahunchta hai?
Order website se hota hai, aur saman poore India me deliver hota hai — COD bhi uplabdh hai. Rajasthan aur aas-paas ke 44 sheher me Sidhi Marwadi ke 48 store points bhi hain — apne paas ka store dekhein. Delivery, return aur payment ke sawaalon ke liye Help & Support hai.